Ай күлімдеп көктен
Самал өбкен шақта
Бұлт көз жасын төккен 
Нөсерлетіп өткен шақта
Сағынғанда мені
Сағым қуып елестет
Ізде мені, ізде мені
Бұлтсыз ашық аспан
Күн сәулесін шашқан шақта
Көңілді мұң басқан
Сезім серпіп тасқан шақта
Қиялымда жалғыз өзің ғана елестет
Ізде мені, ізде мені

Сағым болып сағынышым жетемін
Самалға балап, сағыншы мені
Арманға өзіңменен бірге ала кетемін
Жұлдызға қарап сағыншы мені...

Өзіңді сағынған, жұлдызға табынған шақта
Табыламын жаныңнан, сен мені ойыңда сақта
Күн нұрымен сені аймалап өтем жаным
Мені сағын, мені сағын
Жалғыз қалсаң түнде айға қарап мені ойла
Ойла мені күнде, тек шығарма жаным ойдан
Құс жолымен жүріп жетемін саған жаным
Жаным барда, сағынғанда...