Ақиқат айтылу тиіс.

Айтпаса сөздің атасы өледі...

Ассялямуагалейкум - Уагалейкумассялям
Барша рэп тындармандарына арнайы
Тарлан мен Жақау жандарыңда әрдайым
Ақиқаттың ақ жалауын көтереміз биік
Жалған сөз иелерінің жатсақта арына тиіп
Ия қайтеміз бұл індетті емдемейме ашы дәрі
Салмақты сөздің шифасын түсіне бермейді бәрі
Қасқыр жоқта ит ұлып,ит жоқта шошқа үреді
Ертеңгі күні бұның арты не боларын кім біледі
Үнсіздіктің осындайда бола қоймас көмегі
Демек,айтпаса сөздің атасы оледі
Сірә ешкімге жақпайды ақиқат пен сөздің расы
Ендеше Тарлан досым бастап берші сөздің басын

Ауызбен орақ орып, шілдеде мұз қатырған,
Айбатың айтуыңша татиды жүз батырға.
Ығы жоқ, ретсіз сөздер, ойыншық па ол саған,
Расын айт, қара басың қанша әулие болса да.

Игі істерді жаса, тәңірден дұрыс тіле,
Жырларың қазақ тілінде нұр қосар нұр үстіне.
Алайда ол аз әлі, ойлар алмаса мазаны,
Нағыз шайыр шайқы емес шындықты ғана жазады.

Сенің жазған жырларыңнан мүңкіп тұр әлі күн иіс,
Қаперіңе тік ақиқат айтылу тиіс.
Мінекей, біздер бас киімді аспанға лақтырып,
Жеңісті тойлаудамыз, тыңда әрі құлақ түріп.

Бастысы тұрақтылық білгін аса маңызды,
Өтірік болмау керек ісіңде жасаған ізгі.
Сапа дегенің осы, ал басқасы былай қалсын,
Тарлан мен Жақау жалған айтатындарға қарсы...