Эбел дур надалда расарал лъалк1ал
Дур щуго лъимадул нухалцин гурищ
Эбел дур гъалазулъ гьел хъах1ал расал
Нижер гъалат1азул нуг1залцин гурищ

Жакъа лъималазул лъимал к1ик1улей
Дур кинидахъ кеч1алъ х1айранлъана дун
Гьеб добго гьаракьалъ ах1улеб буго
Гьелъулъ добго рокьи раг1улеб буго

Эбел дир г1азизай дуй рохел гьарун
Байбихьула дица бач1анщинаб къо
Къват1ире унелъул нух бит1айгиян
Абизе мун йик1ин гьеб гурищ талих1