Служба свт. Николая. Стихиры на Господи воззвах. Слава. И ныне. (исполнитель: Хор Моск. Сретенского мон.)
Стихиры на Господи воззвах глас 6 Стих: Слава Отцу и Сыну и Святому Духу. Святителей удобрение, и отцев славу, источника чудес и верных заступника великаго, сошедшеся о празднолюбцы! песненными похвалами воспоим, глаголюще: радуйся, миряном хранителю, и первоседателю честный, и столпе неподвижный. Радуйся, светильниче всесветлый, иже мирския концы просвещая чудесы. Радуйся, скорбящих божественная радосте, и обидимых теплый предстателю. И ныне, всеблаженне Николае, не престай моляся Христу Богу, о верою и любовию чтущих приснорадостную и всепразднственную память твою.