Күндерден озып күн алмасқан,
Жылдарға келіп жыл жалғасқан.
Өмір сырын жүрміз әлі ұға алмастан.
Қанша жан мені еркелетті,
Қанша жан мені өкпелетті.
Арман қуып қанша уақыт текке кетті,
Сұрақсың-ау бізге, сынақсың-ау өмір-ай.

Қайырмасы:
Өмір-ай, сағымдай,
Өткінші бір жалындай.
Сендегі сұрақтың, жауабы жүр табылмай.
Өмір-ай сағымдай,
Сен қамшының сабындай,
Зуылдап отерсің еркімізге бағынбай.

Ғашық боламыз, жек көреміз,
Кешіріп, кейде кектенеміз.
Жазылған тағдырдың бәрін өткереміз,
Шын жұмбақсың бізге, тым қымбатсың өмір-ай.

Қайырмасы:
Өмір-ай, сағымдай,
Өткінші бір жалындай.
Сендегі сұрақтың, жауабы жүр табылмай,
Өмір-ай сағымдай,
Сен қамшының сабындай,
Зуылдап отерсің еркімізге бағынбай.