Сулар эчсәм Кәбир чишмәсеннән
Ярсу җаным шифа, ял таба
Төшсәм хәтфә Инеш тугаена
Былбыл томшыгыннан моң тама.

Кушымта:
Бүләк итәм сиңа, Малтабарым
Сөюемне шушы җыр аша
Шатлык тулы нурлы урамнарың
Йөрәгемә килеп тоташа.

Наратлыкта татлы җиләк пешкән,
Сылу кызлар килгән җыярга
Болыныңда тулпар атлар чаба,
Канат биреп хыял-уйларга.

Кушымта шул ук.

Авылдашлар танып ерактан ук 
Сәлам бирә, чәйгә чакыра
Малтабарым, гүзәл гөлбакчасы
Сиңа кайтулары ни тора!