Vaco distrattamente abbandunato, 
ll'uocchie sott' 'o cappiello annascunnute, 
mane 'int' 'a sacca e bávero aizato, 
vaco siscanno ê stelle ca só' asciute. 

'a luna rossa mme parla 'e te, 
i' lle domando si aspietta a me, 
e mme risponne: "Si 'o vvuó' sapé, 
ccá nun ce sta nisciuna." 

i' chiammo 'o nomme pe' te vedé, 
Ma, tutt''a gente ca parla 'e te, 
Risponne: "E' tarde che vuó' sapé? 
Ccá nun ce sta nisciuna!" 

Luna rossa, 
Chi mme sarrá sincera? 
Luna rossa, 
Se n'è ghiuta ll'ata sera 
Senza mme vedé. 

i' dico ancora ch'aspietta a me, 
For' 'o barcone stanott' ê ttre, 
prega 'e Sante pe' mme vedé. 
Ma nun ce sta nisciuna! 

Mille e cchiù appuntamente aggio tenuto, 
Tante e cchiù sigarette aggio appicciato, 
Mille tazze 'e café mme só' bevuto, 
Mille vucchelle amare aggio vasato. 

'a luna rossa mme parla 'e te, 
I' lle domando si aspietta a me, 
mme risponne: "Si 'o vvuó' sapé, 
Ccá nun ce sta nisciuna." 

Ccá nun ce sta nisciuna!