Я вас любіў, любоў яшчэ
У душы пагасла не “вабшчэ”,
І апроч вас яшчэ люблю
Ваду, і неба і зямлю.

Гарсон, віна,
Я не люблю калі вайна.
Але люблю калі вясна,
І восень, лета і зіма.

Люблю лясы і гарады,
Азёрны бераг залаты.
Люблю начную магістраль,
І польку, вальс і пастараль.

Люблю калі
Сады квітнеюць і палі.
Люблю хадзіць, люблю сядзець,
Ляжаць і ў нікуды глядзець.

Люблю я дзень, люблю я ноч.
Люблю я сьнег, люблю я дождж.
Калі мяце, калі пячэ.
І шмат чаго люблю яшчэ.

Люблю ўсё,
Што называецца жыцьцё.
І песьню гэтую пяю
Пра тое, што жыцьцё люблю.