Хаза хета хьо йист хуьлуш хезча, ахь мел олург дагна товш ма ду,
Хьоьца долу ирсана ю со реза, хьо сан деган дика накъост ю.
 
Гергарло вай сийлахь ду, хьо суна ма хьоме ю,
Х1ай сан хаза доттаг1а дахар ирсе хуьлда хьан!
 
Соьца г1айг1а бекъа кийча хилла, хазахетар хилча йела луш,
Вайна юккъехь цкъа ца лелла хилла, дог ц1ена хьо хилар дара гуш.
 
Совг1ат ду хьо суна Дала делла, хьан гергарло ду сан дозалла,
Цхана денна дохко со ца яьлла, хьан марзонех дозарна сай са.