Захгүй говийн үзэсгэлэн
Загийн шугуйд дулаан хөө
Дулаан говийн хаваржаандаа
Дуучин ээж минь суугаа даа

Саран зууртаа хоноглодог
Саруул Говийн цайдам хөө
Цайдам говийн зусландаа
Цайлган ээж минь суугаа даа

Энэрлийн дээдийг өвөрлөсөн
Элбэрэлт ээж минь тэмээчин
Ээж минь тэмээчин
Ээж минь тэмээчин

Уран зэрэглээ тодорсон 
Униар тал минь уужим хөө
Униарт талын намаржаандаа
Уяхан ээж минь суугаа даа

Алсын алсаас цэнхэртэх
Аглаг уул минь бараатай хөө
Аглаг уулын өвөлжөөндөө
Ажилсаг ээж минь суугаа даа

Дууны уянгаа өргөсөн
Дуучин ээж минь тэмээчин 
Ээж минь тэмээчин
Ээж минь тэмээчин