“Цаг селгәтә ”
Үгнь Шугран В., кѳгҗмнь Манҗин А.
Чини цевр хәләц зүркм авлна
Чееҗәрн чамтал хәәмнь зүткнәв,
Хәәртә, хәәртә өдр ниисәд ирнә,
Хаалhд намаг дуудна

Давтвр:
О! Цаг селгәтә
Цеңкр теңгртә, -2д
О! Ѳлзәтә
Өңгтә герлтә, -2д

Серглңг чамдан мини седклм
Серүн асхар йирдән тусна
Дурм, дурм күрәд үүдән сәкнәв
Дурта чамаг тоснав

Давтвр: 2д.

Эңкр иньгүд хойрулн болад,
Эвтә үгдән ода багтыя
Халун, халун мана дуриг иткәд
Хамдан хөвән олыя

Давтвр: 2д