♫    Тăхăнсам, тăван, хура сăхманна

Тăхăнсам, тăван, хура сăхманна.
Хура сăхман пермичийĕ килĕшмест и мĕн?
Килĕшместь пулсан каламаллаччĕ,
Çěленĕшĕн ĕç укçине памалла марччĕ.

Тăхăнсам тăван сарă кĕпÿна.
Сарă кĕпе тÿммийěсем килĕшместь и мĕн?
Килĕшместь пулсан каламаллаччĕ, 
Сар кĕпине хура тÿмме лартмалла марччĕ.

Çыхсам тăван шурă тутăрна.
Шурă  тутăр тĕррийĕсем  килĕшместь и мĕн?
Килĕшместь пулсан каламаллаччĕ,
Шур тутăра кăвак тĕрĕ çапмалла марччĕ.

Юрласам, тăван, хăвăн юрруна.
Эп юрланă  юрă-кěвĕ  килĕшместь и мĕн?
Килĕшместь пулсан каламаллаччĕ,
Хăнана йыхрав янă чухне чĕнмелле марччĕ.