Преславная днесь видеша вси языцы во граде Давидове, егда Дух сниде Святый во огненных языцех, якоже богоглаголивый Лука повествует, глаголет бо: собранным учеником Христовым, бысть шум, якоже носиму дыханию бурну, и исполни дом, идеже бяху седяще: и вси начаша глаголати странными глаголы, странными учении, странными повелении Святыя Троицы. Дух Святый бе убо присно, и есть, и будет: Свет, и света податель, самоблагий и источник благостыни.