Пандо-пандыне прясо (исполнитель: Олёш)
Пандо-пандыне прясо Ашо килейне ало. Уроз калмине лангсо Лемтеме крёстке. Свалшкань удомасонзо Калмосонть цёра уды, Велькссэнзэ вармась увны - Цёрасонть лайши. Косо-бути васоло, Тиринь кудынесэнзэ Сокоргадсь сельведтнеде Сыре авазо - Косо тон, монь цёрынем, Косат, седей пелькскинем, Учоват - а учоват, Сырнень покольнем? Арази, монь сяткинем, Мартот ней а вастован, Куломадон икеле Мон тонь а нейтян? Горясь кевекс лепштимим, Вийтеме монь кадымим Яла лайшан- авардян, Тонь, цёрам, учан. (эрзянь кельс ютеизе Р. Жегалина)