Ой, Уллу Хождан а ма чыкъгъан элле жети ариу, орайда,
Да къамаладан а бир къан тамызгъан а эки ариу, орайда.

Ой, Уллу Хожда да бир сейир барды, аламат, орайда,
Къатынла бла да къызла этедиле къазауат, орайда.

Ой, кёкде ойнайды да ол эки ариуну билеги, орайда,
Да къабыл болсун а бу жарлы халкъны тилеги, орайда.

Ой, Уллу Хожну да не башы болур батагъа, орайда,
Башыбыз къалды да сауут амалтын а хатагъа, орайда.

Ой, уруш эте да бир алда баргъан Хужады, орайда,
Ушкок тауушуда ма къаяланы уа бузады, орайда.

Ой, окъ тийгенди да бу жаш келинни кёзюне, орайда,
Ой, ийнанмагъыз а Къарох улуну уа сёзюне, орайда.

Ой, уруш этербиз да бюгюн къалып тамбла, орайда,
Да бет жууалла да бу халкъдан акъгъан а къан бла, орайда.

Бууаз къатынланы уа чабакъла кибик жаралла, орайда,
Сабийчиклери уа ма жау чыракълай а жаналла, орайда.