Кышкы урман аша юлым, 
Тирә-ягым тып-тыныч. 
Тантаналы тынычлыкта 
Артта гына куркыныч.-2р.

Күзем төште бер җиргә, 
Тукта, анда кем тора. 
Туңган дөнья уртасында 
Ялгыз миләш утыра.-2р.

пр.: Ялгыз миләш янып тора, 
Ялгыз миләш,-2р 
Күзләремдә кан яше. 
Кемнәр өчен елый икән,-2р
Ялгыз миләш тәлгәше.-2р

Әллә мине табалмаган, 
Әллә сине югалткан. 
Миләш телен белмәем шул, 
Аңламас шул, юатсам.-2р.

Гомеремнең бер мизгеле- 
Урман аша юл үтте. 
Туңып барган йөрәгемне 
Ялгыз миләш җылытты.-2р.

пр.: Ялгыз миләш янып тора, 
Ялгыз миләш,-2р 
Күзләремдә кан яше. 
Кемнәр өчен елый икән,-2р
Ялгыз миләш тәлгәше.-2р