Райгуыран захх (сл. А. Чеджемова, муз. Е. Воложанина) (исполнитель: Алла Хадикова)
Бæстæтæ бирæ сты, дуне — уæрæх, Цард цы рӕвдауы фæрнæй. Фæлæ дӕ хуызӕн, мӕ Райгуырæн зæхх, Ацы стыр дунейыл нӕй Балцы уон искуы, хæстæг æви дард, Амонд мæ хурмæ хæссы. Æмæ Ирыстон цыма у мæ мад, Афтæ мæ фæдыл кæсы. Бауарзтон раджы нæ фæндыры цагъд, Ме уæнгты рог цин зылди. Арвæн йæ бæрзæндты урс цæргæс тахт, Уый кæд мæ зæрдæ уыди. Ирæн йæ куывды бон — цин æмæ хъазт, Амонд Хуыцауæй куырдтон. Ам æз мæ сыгъдӕг, мӕ сызгъæрин уарзт Дзуӕрдтӕн иронау дзырдтон. Бæстæтæ бирæ сты, дуне — уæрæх, Цард сæ æнхъæвзы фæрнæй. О, фæлæ мады ад, Райгуырæн зæхх, Зонын æрмæстдæр дæуæй.