Музыка и стихи Сапара Узденова.

Тюзлюкню баласыса, къарайса кёкге гюнахсыз -
Джаша, халкъым!
Терсликни да кёрдюнг, сынадынг сен аны ажымсыз -
Джаша, халкъым!

Припев:
Джанны джюрегисе, джюрекни джаныса,
Ой джуртум!
Тюнене, бюгюн да, бюгюн да, тамбла да
Сенсе джуртум!

Таурухну тауругъуса, билеме аны эртдеден -
Джаша, халкъым!
Ой, хар ненг да бир шамды, сейирсе, тюшгенча кёкден -
Джаша, халкъым!

Припев.

Джарыкъны джарыгъыса, тангыса, билеме, тангы -
Джаша, халкъым!
Тауунг да, тюзюнг да тиеди кюню насыбны -
Джаша, халкъым!