В нынешнее врЂмя случися нам видЂти того доброго a храброго воина, пореклом стратилата князя Костянтина Ивановича Острозского, навышшего гетмана литовского.

О великыи вдатныи витязи литовскии, уподобилися есте своим мужством храбрым макидоняном, справою и наукою князя Костянтина Ивановича, втораго Антиоха, гетмана воиска македоньского. И так своего человечьства смЂлость вказал, яко храбрыи рыцерь и вЂрныи слуга своего господаря c тыми великомногоможными вои литовскыми, нащадячи сами себе на великое множство людеи неприятЂлскых сягнули и вдарили, и множство людеи воиска его поразили и смерти предали на осмъдесять тысяч, a иных живых в плЂн поимали. 

Ныне тым пророчьством подарил бог князя Костянтина Ивановича, навышшего гетмана литовского, што его справою и зряжением воиска плъков и его смЂлого сердца и рукы сягненьем люди московского побили и тых збитых плоти звЂри и птици ядять, по земли кости волочачи, a стопленых водами рыбы клюють. 

О пречестнаа мудраа главо, како тя нареку и похвалю. Коротъкостию языка моего и художством ума моего не могу ся домыслити, кую славу и честь въздати твоего справлению дЂлу: мужства твоего крЂпость равна есть великому царю индиискому Пору, которому же многии цари и князи противнии быти не могоша, его же дЂлу и чести обличность твоего велможства показуеть тя, как же нынЂ милостию божьею и теж щастьем великославного господаря Жикгимонта, короля и великого князя, таковому силному пану, великому князю московскому отпор вчинили есте своих рук дЂлом и з храбрыми рыцери оными вдатными витязи, c князи и c паны и з дворяны господарьскыми Великого княжства Литовского и Руского

Великославному господарю королю Жикгимонту Казимировичу буди честь и слава на вЂкы, побЂдившему недруга своего великого князя Василиа московского, a гетману его, вдатному князю Костянтину Ивановичу Острозскому даи боже здоровье и щастье вперед лЂпшее как нынЂ…