Йөрәктәр ҡушылды 
Ә юлдар айрылды 
Уртаға ярылды
Тормаштар
Яртышар, яртышар
Ҡалдыҡ беҙ нишләргә
Яҙмыштан булмағас уҙмыштар

Һөйгәнем яттарҙа
Моңһоу таң атҡанда 
Өҙөлә йәндәрем 
Өҙөлә
Хәсрәтем юғала 
Шатлығым юл ала 
Бер генә ҡараһам күҙеңә.

Дөм ҡара төндәрҙә 
Йондоҙҙар һүңгәндә 
Йөрәкте саҡмалай 
Сағырмын
Меңермен үрҙәргә 
Төшөрмөн гүрҙәргә
Яҙмыштан уҙмыштар табырмын.