== А ў Марусі хата на памосце ==

А ў Марусі хата на памосце
а ў Марусі, а ў Марусі хата на памосце
прыехалі тры казакі ў госці
прыехалі, прыехалі тры казакі ў госці

ой, хто ж тое зелейка дастане
ой, хто ж тое,, ой, хто ж тое зелейка дастане
той са мною на ручнікі стане
той са мною, той са мною, на ручнікі стане

першы кажа: я Марусю люблю
першы кажа, першы кажа: я Марусю люблю
другі кажа: я Марусю возьму
другі кажа, другі кажа: я Марусю возьму

трэці кажа: зелейка дастану
трэці кажа, трэці кажа: зелейка дастану
я з Марусей на ручнікі стану
я з Марусей, я з Марусей на ручнікі стану

есць у мяне тры кані на стаўні
адзін конік, адзін конік, як лебедзь бялявы
другі конік, як голуб сівенькі
трэці конік, трэці конік, як воран чарненькі

белым конем поле пераеду
сівым конем, сівым конем за вароты ўеду
трэцім конем зелле патаскаю
а з Марусей, а з Марусей на ручніку стану

ой, стаў Яся зелейка капаці
стала над ім, стала над ім зязюлька куваці
годзе Ясю зелейка капаці
бо ў Марусі, бо ў Марусі вяселлейка ў хаце

а ў Марусі хата на памосце
прыязджалі да Марусі на вяселле ў госці} 2р.