Biz göydələnlərin damından dərərik ulduzları yarpaq kimi..
Biz qaçarıq, uçarıq, aya biz sancarıq köynəkləri bayraq kimi..
Bizi silsinlər tarixdən, bizə boz səhifədən daha xoşdur bəyaz səma..
Bizi gözləyir dənizlər, adalar, gəmilər, ləpələr, uzaq limanlar..
Unudaraq adımızı, soy adımızı, ünvanımızı, dərslərimizi,
unudaraq nömrələri, küçələri, ölkələri, unudarıq hamısını..

Üz, qaç, uç, keç sərhədləri.. Düz get, düz, dərə-təpələri..
Kaş bilsək, nələr gözləyir, kimlər gözləyir bizi, harada gözləyir.. (2)

Yol uzun, gücüm az, ev uzaq, hava buz..
Amma tek deyiləm, yanımda dostlar..
Əgər bu nöqtədə olacaq sonumuz,
Onu çox asan vergül eləmək olar..
Qorxma, artıq hər şey geridə,
Bakı öz dərdləri ilə çürüsün..
Bizi gözləyir yeni ümidlər,
Yaşasın dirilər, ölülər ölsün..
Aç qanad, çırp qanadlarını, buralardan, tənha adalara..
Sal məskən, yığ dostlarını oralara, tənha adalara, dost!!

Üz, qaç, uç, keç sərhədləri.. Düz get, düz, dərə-təpələri..
Kaş bilsək, nələr gözləyir, kimlər gözləyir bizi, harada gözləyir.. (3)

Sən bacararsan hər şeyi, sən bacararsan hər şeyi,
Əgər istəsən, sən istəsən. (3)

Üz, qaç, uç, keç sərhədləri.. Düz get, düz, dərə-təpələri..
Kaş bilsək, nələr gözləyir, kimlər gözləyir bizi, harada gözləyir..