Під облачком явір похилений,
Сидить на нім пташок премилений.
Слухай, мила, як той пташок співа,
Же з любові нич добра не бива.
Же з любові, же з любові
Нич добра не бива.

Чи та любов є од Бога дана?
Чи лем може д'яблом підшептана?
Хоч би-с не хтів, то мусиш любити,
Хоч би-с не хтів, просто маш терпіти.
Хоч би-с не хтів, хоч би-с не хтів
Просто маш терпіти.

Мила, мила, ти покусо єдна,
Любив я тя і не рік і не два.
Чи ми дала зілля ся напити?
Не мож, мила, ніяк без тя жити.
Не мож, мила, не мож, мила,
Ніяк без тя жити.

Ми ворожка давно ворожила,
Же мя звурит дівка чорнобрива.
Же не буду видів за ньов світа,
Аж проминут мої млади літа.
Аж проминут, аж проминут
Мої млади літа.

Під облачком явір зеленіє,
Посмотр, мила, як той вітер віє.
Може, вирве єго з корінями.
Мила моя, што то буде з нами?
Мила моя, мила моя,
Што то буде з нами?