Саян мон конёв, 
Пазнэнь сюконян. 
Ды эрзянь кельсэ 
Тынк марто вейсэ 
Моро серьгедян 
Тиринь веледень! 

Валдо менельсэ. 
Ванькс,домка лейсэ, 
Масторонть келес 
Гайги вайгелесь; 
Свал ульть тон,велем! 
Кирть эрзянь келенть! 

Мазый руцясо, 
Эрзянь панарсо 
Одломань ютыть, 
Эрзя велес 
Ды эрзянь келес! 

Нармунень морокс 
Ливти васолов. 
Те эрзянь валось, 
Прок теште,палы! 
Ванстасы веленть 
Ды эрзянь келенть!