Під облачком явір похилений,

Сидит на нім пташок премилений.

Слухай, мила, як той пташок співа,

Же з любови нич добра не бива.

Же з любови, же з любови нич добра не бива.

Мила, мила, ти покусо єдна,
Любив я тя не рік і не два.
Ци ми дала зілля си напити?
Не мож, мила, ніяк без тя жити.
Не мож, мила, не мож, мила, ніяк без тя жити.

Ми ворожка давно ворожила,
Же мя здурит дівка чорнобрива. *
Же не буду видів за ньов світа,
Аж проминут мої млади літа.
Аж проминут, аж проминут мої млади літа.

Ци та любов є од Бога дана?
Ци лем може д'яблом підшептана?
Хоч би-с не хтів, то мусиш любити,
Хоч би-с не хтів, прото маш терпіти.
Хоч би-с не хтів, хоч би-с не хтів, прото маш терпіти.

Програш (на тему Вступу).

Під облачком явір зеленіє.
Посмотр, мила, як той вітер віє.
Може, вирве єго з корінями.
Мила моя, што то буде з нами?
Мила моя, мила моя, што то буде з нами?