Очрашулар була кыска,
Ә җыр иле мәңгелек.
Җыр яшәсә йөрәкләрдә,
Җиңәр җирдә изгелек.

Куллар биреп саубуллашмыйк
Аерылмаска озакка.
Моңнар араларны бәйләр,
Без китсәк тә еракка.

Күңелләрне җыр ташытыр,
Язгы җил исмәсә дә.
Хисләр гөлбакчада йөзә
Бураннар тынмаса да.

Куллар биреп саубуллашмыйк
Аерылмаска озакка.
Моңнар араларны бәйләр,
Без китсәк тә еракка.

Йөрәкләр сына алалар
Яра агымында калып.
Яшик әле дөньяларда
Сайрашып кына, янып.

Куллар биреп саубуллашмыйк
Аерылмаска озакка.
Моңнар араларны бәйләр,
Без китсәк тә еракка.