Дөньяга туганда сабыйлар
Җиһанны яңгыратып елыйлар,
Нарасый күзләрен ачканда
Бәхетле булсын дип юрыйлар.

Сабыйлар мәхәббәт җимеше,
Сабыйлар күз яшен түкмәсен.
Парлылар, мәңгегә гел бергә булыгыз -
Сабыйлар ятимлек күрмәсен.

Сабыйлар аңланмас ялгышны,
Әтиләр-әниләр, төзәтик.
Булмасын әтиле ятимәр -
Язмышны үзебез үзгәртик.

Сабыйлар мәхәббәт җимеше,
Сабыйлар күз яшен түкмәсен.
Парлылар, мәңгегә гел бергә булыгыз -
Сабыйлар ятимлек күрмәсен.

Пар канатларыгыз сынмасын,
Төзәтмәс ялгышлар булмасын,
Тигез типкән парлы йөрәкләр
Сөю җепләренә уралсын.

Сабыйлар мәхәббәт җимеше,
Сабыйлар күз яшен түкмәсен.
Парлылар, мәңгегә гел бергә булыгыз -
Сабыйлар ятимлек күрмәсен.