If a' the blood shed at thy Tron
 Edinbro', Edinbro'
 If a' the blood shed at thy Tron
 Were shed intae a river
 'Twould ca' the mills of Bonnington
 Edinbro', Edinbro'
 'Twould ca' the mills of Bonnington
 For ever and for ever

 If a' the tears that thou hast grat
 Edinbro', Edinbro'
 If a' the tears that thou hast grat
 Were shed intae the sea
 Where would ye find an Ararat
 Edinbro', Edinbro'
 Where would ye find an Ararat
 Frae that fell flood tae flee?

 If all the psalms sung in thy kirks
 Edinbro', Edinbro'
 If all the psalms sung in thy kirks
 Were gaithered in the wynd
 'Twould shaw the tops o' Roslin's birks
 Edinbro', Edinbro'
 'Twould shaw the tops o' Roslin's birks
 'Til time was oot o' mind

 If a' the broken hearts o' thee
 Edinbro', Edinbro'
 If a' the broken hearts o' thee
 Were heaped in a howe
 There would be neither land nor sea
 Edinbro', Edinbro'
 There would be neither land nor sea
 But yon rede brae and thou