Чакхъяла, чакхъяла, х1ай 1аьржа буьйса,
Тховса-м хьо яхъели б1е шерал суна.
Доьхначу сан дагца ахьа х1унда къуьйсу?
Г1айг1ано и лаьцний хаац-те хьуна? 

Набаро датийна, адам д1атийча,
Стигларчу сирлачу седане хьоьжуш,
Езачуьна сурт ду и, бохуш, со 1ийна,
Дицделла те хьуна, х1ай 1аьржа буьйса? 

Чакхъяла, гуьйренан, х1ай 1аьржа буьйса,
Тховса-м хьо яхъели б1е шерал суна.
Доьхначу сан дагца ахьа х1унда къуьйсу?
Езарг ган сатуьсий хаац те хьуна?