Тэпсэн ааспыт сибэккиҥ
Хагдарыйан сытарын
Тылыннара сатаама.
Өһөн бүппүт иккиһин 
Күн сиригэр хатылаан
Эргиллэрин этимэ.

Кэлбит ааһан сүтэр,
Эстэн-иҥэн бүтэр
Олоххо ыйаахтаах.
Ким да ону тумнан
Ааспат, төлө көппөт,
Үөһэттэн айыылаах.

Ааспыт кэмҥэ барытын,
Өлбүт үйэ дүрбүөнүн,
Хаалбыт ыра санааҕын,
Көмнөҕүнэн бүрүллэн
Сыыска-буорга сытарын
Көрүөм диэҥҥин санаама.