Калі раптам адчуеш камунальныя пахі
І жыццё цябе возьме ў пятлю,
Разумееш тады, што тры чарапахі
Па-ранейшаму цягнуць зямлю.
Калі выйдзеш у горад ці залезеш у горы
І з людзьмі ўсталюеш кантакт,
Зраумееш тады, што і сення, і ўчора
Наша месца на трох кітах.

ПРЫПЕЎ:

Гэй, ла-ла-ла-лай, ты не чакай,
Сюрпрызаў не будзе.
Гэй, ла-ла-ла-лай, ты не чакай, ты не чакай

Не было Галілея і Поба Марлея,
Не было Сальвадора Далі,
Ні Леніна, ні Ленана, ні Карла Лінэя,
А кіты, чарапахі былі.

ПРЫПЕЎ.

Каб любіць Беларусь, нашу мілую маму,
Трэба ў розных краях пабываць,
Разумееш тады пад тваімі нагамі 
Тры сланы нерухома стаяць.

ПРЫПЕЎ