Ромашкалар өзәсең дә
Сорауларың бирәсең.
Сөя микән, сөйми микән –
Килә синең беләсең.

Сөябезме, сөймибезме –
Ромашка гына белә.
Әйтелми калган хисләрдән
Ромашкалар өзелә.
Ромашкалар өзмәгез сез – 
Күзләрне төбәп күзгә
Сөю хисләрен әйтегез,
Тотмагыз үзегездә.

Әйтеп бирә ромашкалар
Сиңа булган хисләрне,
Сөйгәнен хәзер беләсең,
Алда нинди исәбең?

Сөюләре мәңгелекме? – 
Ромашка бирмәс җавап.
Хисләрне әйтергә кирәк
Күзләргә туры карап.