https:/ [bad word] crimeanmusic

Eger sen isteseñ, serin yel olurım. 
Uçarım mas-mavı orman ve dağlara. 
Yırlarnı, sezgimni - diñlesiñ bir danem. 
Yürekten yalvarıp, şay derim olara. 

İsteseñ, olurım qanatlı serin yel, 
Uçarım köklere sevgiñnen, ey güzel. 

Eger sen isteseñ, em tüşte, em este, 
Yaldarım yem-yeşil çöllerniñ üstünden. 
Sen içün toplarım qoqulı bir deste
Eñ siyrek, eñ dülber çiçekler, güllerden. 

İsteseñ, olurım qanatlı serin yel, 
Uçarım köklere sevgiñnen, ey güzel. 

Mulâyım baqışıñ, taşsa yaz göñülden, 
Hayatım olduqça sevgiñni sezerim. 
Hasretli sözüñe qandırıp seni men,
Bir zerre qaldırmay şübeñni çezerim.https:/ [bad word] crimeanmusic