Битләреңнең сипкелләрен саныйм әле, саныйм әле,
Сине көтеп олыгаям, бер туйганчы карыйм әле.

Күзләремә карале бер-оялмале, оялмале,
Никах төне үткәрүләр хыялмы әле, хыялмы әле?

Сулар сибеп сүндермәче-яныйм әле, яныйм әле,
Мәхәббәтнең ялкынында гомер буе калыйм әле.

Үткән-кочкан җилгә очкан,
Иренеңнән үбим әле.
Оялганда кызарасың, күрим әле, күрим әле.

Үтәр яшьлек-үкенмәсле булсын әле, булсын әле,
Иреннәрең тәме белән хисләребез тулсын әле.