Гиләво, ај гиләво бој-бој-бој-бој, 
Толыши һај гиләво бој-бој-бој-бој. 
Быжән ужнән бәмәно бој-бој-бој-бој, 
Нәнә лај-лај гиләво бој-бој-бој-бој. 

Хәбәмон ни вәтәни марзи чә тон вәтәнику, 
Пукә ым јарә сутәј товнедә јарәм ҹонику. 
Быгын авон дәрәмон чы Толыши осмонику, 
Быжән авон шулисә ты Толыши вејзә, ләво -2 кәрә. 

Бијә Шандермани, Ризваншәһәри барзә сәдо, 
Није чы Осторо, чы Нәмини, чы Һәштпәри то. 
Быкә Масулә, Масали, Фумәни ты хәбәдо, 
Гиләво, вазилә во, ај Толыши хошгиләво -2 кәрә. 

Гиләво, ај гиләво бој-бој-бој-бој, 
Толыши һај гиләво бој-бој-бој-бој. 
Быжән ужнән бәмәно бој-бој-бој-бој, 
Нәнә лај-лај гиләво бој-бој-бој-бој. 

Гынедә Хәзри пијо әв пози вардә ужәнән, 
Толыши орзу доон зизон екардә ужәнән. 
Вәтәни осмони авон сијо кардә ужәнән, 
Ты нывош Хәзри бәка бо Толыши вај, Гиляво -2 кәрә. 

Ботоно ни охо зындәм бомы бә марзә теғон, 
Тыни чәш кардә чы јурди, вәтәни һавзә тоғон. 
Сипјәрујкү тосә Кура Толыши вәшдә боғон, 
Ты нывош шор бәка боғон сијо ваваз, телә во -2 кәрә. 

Гиләво, ај гиләво бој-бој-бој-бој, 
Толыши һај гиләво бој-бој-бој-бој. 
Быжән ужнән бәмәно бој-бој-бој-бој, 
Нәнә лај-лај гиләво бој-бој-бој-бој. 

Сәдо кардәм тыни, мандәм бәсә бандон, гиләво, 
Тыниш ым јурди гемыж ғандә вылон дарди дәво. 
Быжән ужнән бәмәно чы Толыши и бе һәво, 
Тосә и бе вәтәни бој мәдә ты фасилә во -2 кәрә. 

Гиләво, ај гиләво бој-бој-бој-бој, 
Толыши һај гиләво бој-бој-бој-бој. 
Быжән ужнән бәмәно бој-бој-бој-бој, 
Нәнә лај-лај гиләво бој-бој-бој-бој.