Հաղթանակ (исполнитель: Rahvira)
Արշալույսի առաջին իսկ շողի հետ, Ահեղ ձայնից թնդաց լեռնաշխարհը հայոց. Զորավարն էր խոսում հայոց զորքի հետ Եվ հորդորում պաշտպանել արյաց հողը թշնամուց: Երբ ավարտեց զորավարն իր խոսքը հայրական, Մի պահ լռեց: Ու անդորրն այդ խորհրդավոր, Ցնցվեց արձակված խոր հոգոցից ահավոր, Երբ նայեց հայրը վերջին անգամ զավակներին արիական: Ու հնչեցին շեփորներն իբրև ազդանշան, Քանզի եկավ սուրհանդակը, որ տեսել էր քիչ առաջ Վայրենի, կատաղած բանակը շան: Քաշեց սուրը զորավարն ու գոռաց._Առա՜ջ… Եվ սկսվեց արյունահեղ մի ջարդ կատաղած, Թրերի զնգոց, գուրզերի հարված, կատաղի ոռնոց, գոռոց արորդած, Բազում դիակներ, արյան մի մեծ լիճ, Ասես սատանան էր եկել այստեղ որպես դահիճ: Ցեղի համար բախտորոշիչ այս մարտում Ավա՜ղ, ընկավ հայ զորավարն արիական: Ընկա՜վ արորդին, բայց խոր վերքն իր սրտում. Գործը մնաց անավարտ, զավակներն` անօգնական… Բայց հանկարծ հեռվում տեսավ բազում տանջվող հոգիներ, Սուրբ վրեժը չէր թողնում հանգչել նրանց հանգիստ: Քաջալերեց նա նրանց, դարձրեց ահեղ մարտիկներ, Կենդանացրեց նրանց կրկին մայր հողն անհանգիստ: Ու միացան նրանք հայոց զորքի հետ, Արորդիները տարան հաղթանակ, Եվ այդ ժամանակ արդեն հանգչեցին, Բայց արդեն խաղաղ` որպես բանակ հերոսական…