ЯҘМЫШ БҮЛӘГЕ.

Рәмзәнә Тимерова һүҙҙәре,
Риф Арыҫланов көйө.

1. Иҫкән елдәр иҫер, иҫһен әйҙә,
Дауыл - бурандары булмаһын.
Осраштырғас, беҙҙе ҡауыштырһын,
Яҙмыш аҙаштырып ҡуймаһын.

2. Ер йөҙөндә һәр бер һөйгәндәрҙең,
Ҡабул булһын ине теләге.
Ғүмер буйҙарына һаҡлау кәрәк,
Һөйөү бит ул яҙмыш бүләге.

Ҡушымта:
Сәскәләрҙән матур гүзәлем һин,
Ай нурҙары балҡый йөҙөңдә.
Ғашиҡ иттең мине бер күреүҙә,
Һиҙмәй ҡалдым, йәнем, үҙем дә.