Өй артында шомортом 
Халыҡ һүҙҙәре Халыҡ көйө 

Өй артында шомортом бар, 
Яндарында бөрлөгән, шул, 
Яндарында бөрлөгән. 
Бөрлөгәндәй матур булып, 
Сәскә ата илгенәм.

Өй артында шомортом бар, 
Сәскәләр – яндарында, шул, 
Сәскәләр яндарында;
Беҙ тыуғанбыҙ илебеҙҙең 
Иң матур таңдарында.

Өй артында шомортом бар, 
Яндарында сейәләр, шул, 
Яндарында сейәләр; 
Сейәләр ҙә беҙгә ҡарап: 
Һеҙ бәхетле, тиәләр.