Ғашық болып ұнаттым қырдың қызын
Мөлдір қара көздері шашы ұзын
Перизаттай көзіме елестейді
Арқасында көргенде қос бұрымын

Қайырмасы: 
Шашы ұзын қыз 
Қандай сұлусыз
Қырдың гүліндей
Құлпырып тұрсыз
Шашы ұзын қыз
Жанары мұңсыз
Күндей күлімдей
Нұрланып жүрсіз
Шашы ұзын қыз

Алма мойын, қиғаш қас, қызыл ерін
Көргендеймін бұл күннің «Қыз Жібегін»
Қырдың гүлін әдемі теріп алып
Ұсынуға сол қызға үміттендім

Қайырмасы.

Жанарыңды тайдырып ала алмадың
Жүрегімді сұлу қыз жараладың
Жалт етіп бір көріне кете бардың
Іздеп сені қай жерден таба аламын