Сан даго кхойкху хьоьга синтем боцуш,
Б1аьргаш лоьху хьо гаре сатуьйсуш,
Волахьа, кхачахьа сан деган везар,
Безаман б1аьрхишца до аса хьоьга дехар.
 
Сирлачу седанах лепар ю хьуна,
Б1аьстенан зезагах со тарлур ю,
Къи везар хьо воцург ца оьшу суна,
Сан даго хаьржинарг хьо цхьаъ ма ву.
 
Хьан дагна йовхо луш ю яга кийча,
Нагахь хьо безамах дог тешош хилча,
Сатийсар эрна ду ма ала соьга,
Хьо вовзар ирс хеташ хьоьжур ю хьоьга.