Элистин сувсрсн со
Сарул Элстин тенгряс
Сувсрсн дольган асхрна,
Эн манурсн cооhяc
Элстм улмар сяяхрня.

Аршан болсн аhартнь
Амрч, чееж мини сарулдна,
Альвн теркя зюркн мини
Алтн уудыhян кемлня.

Зюркндян торсн дюриhян
3орж чамдан бичляв,
Зовшялтя седкличнь кюляж,
Зююдндян кесг зовньлав.

Эркян чинян зюркнд мини
Эркл дурн бульглна,
Эрвякя болсн чамдан
Энюгян кюргхяр телчня.

Сарул Элстин тенгряс
Сувсрсн дольган асхрна,
Эн манурсн cооhяc
Элстм улмар сяяхрня.