Хыяллар дөньясы гаҗәеп.

Тормышларга ашмас хыялдыр --
Яшьлеккә кайтулар киредән.
Белеп тә, шуларны уйлаудан,
Без түгел, хыяллар тилергән...

Кушымта:

Соклангыч, әй, серле хыяллар!
Аларның дөньясы гаҗәеп!..
Айларга мендереп куярлар
Хыяллар, канатын киң җәеп...

Һәр җирдә гүзәллек тоядыр;
Көлмәгез хыялый кешедән...
Дөньясы күп төсле буяудан!..
Юк зыян хыяллы гомердән!

Кушымта.

Арыган җаннарның ялыдыр--
Хыялда кайтулар яшьлеккә.
Юк гаеп хыялый булудан,
Хыяллар юлдаш ул бәхеткә!

Кушымта.