Cedit, hiems, tua durities;
Frigor abit, rigor et glacies
 [bad word] et feritas, rabies,
Torpor et improba segnities.

Veris adest elegans acies,
Clara nitet sine nube dies,
Nocte micant Pliadum facies;
Grata datur modo temperies.

Est pura mundi superficies,
Gramine redolent planities,
Induitur foliis abies,
Picta canit [bad word] series,
Prata virent, iuvenum requies.

Nunc, Amor aureus, advenies,
Indomitos tibi subicies.
Tendo manus; michi quid facies?
Quam dederas, rogo, concilies.

Est pura mundi superficies,
Gramine redolent planities,
Induitur foliis abies,
Picta canit [bad word] series,
Prata virent, iuvenum requies