Туйлар гөрли! Менә бәйрәм бүген
Ике гашыйк ярлар кавышкан.
- Мин яратам сине бердәнберем!
- Мин яратам сине җанашым!
- диеп алмашалар балдакларны
Вәгъдәләр әйтәләр, вәгъдәләр.
Пар балдаклар кигән яшь парларны
Туганнары тәбрик итәләр.

Тормышыгыз булсын түп-түгәрәк
Пар аккошлар йөзгән күл кебек!
Ихластан сөегез бер-берегезне
Чын мәхәббәт бит ул мәңгелек!

Туйлар үтәр, яңа таңнар атар,
Көннәрнең дә булыр төрлесе.
Киләчәк буынга тормышыгыз,
Булсын матур гаилә өлгесе!
- Мин сине!
- Мин сине ташламам, - дип
Вәгъдәләр әйтәләр, вәгъдәләр.
Пар балдаклар кигән яшь парларны
Туганнары тәбрик итәләр!

Тормышыгыз булсын түп-түгәрәк
Пар аккошлар йөзгән күл кебек!
Ихластан сөегез бер-берегезне
Чын мәхәббәт бит ул мәңгелек!