1) Чурталганың оруктары дески эвес
Шупту ону билир бис, ынчалза-даа бергедир.
Кижи хөөкуй салымын чагырар-ла улус көвей,
Кирер-базар чүве безин тывылбайын баардыр.
Чаяттынып төрүттүнүп келген хүннүмден бээр
Чангыс борбак чыраан болган ынакшылым сылдызы.
Чангыланган чүрекейим чидиг өткүт үннү,
Чарашпайым, сени дыңназын дээш ырладым.

Кожумаа:
Чүгле сен-сен, чүгле мээң сен, эргимим.
Чүдүп чоруур бурганнывыс ийи бисти душтурган.
Аравысче доораланып чудук бооп,
Авыястыг адааргактар киржип турза-даа
Ажып эртер бис, алыспас-даа бис,
Арыг ынакшылга хирлиг холдар дегбезин.
Херек болза тынывыс-даа берип болур бис.
Херечивис болуңар, айдың дээрде сылдыстар.

Кижи бажын кижи билир,
Хилинчектиин канчаар ирги, оой.
Ала бажым кымчы билир,
Аарышкылыын канчаар ирги, оой.

2) Салымымны бодап келгеш, сактып келгеш,
Салгын-хатты чамдыкта адааргай-даа бээрдир мен.
Сагыш-сеткил база шак-ла ынчаар хостуг
Саян даглар кыры-биле ужуп чорза.
Ынчалза-даа чүгле сеңээ ынакшылым дээш
Ындынналган чүрекейим аялгазы чангыналзын.
Сөгүлбес-даа бис, сөгүрбейн-даа чораан бис.
Сөзүм чымыжымда ада-өгбем эдип каан.

Кожумаа: