Ах, фелек, билезлик такътынъ
Сен меним къолума.
Кечильмез дагъларны йыкътынъ
Айланчыкъ ёлума.
Ах, чекип джефадан къалдынъ
Ёкъ онынъ иляджы.
Сель киби омрюмде къалды
Тынч лиман чалгъыджы.

Багълама:

Чал манъа, чалгъыджы,
Дердимни унуттыр, ялварам.
Чал манъа, чалгъыджы,
Чалгъынънен яныгъымны ал.
Чал манъа, чалгъыджы,
Сызлап аджытмасын шу ярам.
Чал манъа, чалгъыджы,
Агълатта, сабагъадже чал.

Бу ялан дюньянынъ чаркъы
Айланып талмады.
Не асрет, не севги фаркъы
Мен ичюн къалмады.
Ёлларда къалдым мен гъарип
Яныгъым пек аджджы.
Бу оксюз гонълюме таби
Сен, уста чалгъыджы.

Багълама.

Сен чаласынъ, унутасынъ озь дюньянъны.
Сен бельким де озюнъ де бильмейсинъ бир тылсымджы олгъаныны.
Денъизге ашыкъкъан озенлер киби инсанлар санъа узана.
Таш юрекли адам биле сени динълеп ойлана.
Чал, чалгъыджы. Пармакъларынъ бир вакъыт талмасын.