Юкка гына үпкәләшеп,
Салмагыз сез яралар,
Йөрәктәге тирән эзләр
Төзәлми бит, калалар, калалар.

Нечкә генә күңел, күңел кылы,
Чертмәгез сез, өзелер, өзелер.
Кан саркаган тирән күңел ярам
Кайчан әле төзәлер.

Күңел кылы нечкә моңлы, 
Сизгер, уяу һәм зарлы.
Рәнҗеткәнче уйлап кара,
Сәбәпләрең бармы, сәбәпләрең?

Күңел кылы, кылдай нечкә,
Ялганмас ул, өзелгәч, 
Кылдай нечкә, моңлы, зарлы,
Бәгырьләрем киселгәч , киселгәч.