Шигдә чэрәтә
Шин сиитцн бүшмүднь
Шилв-шииринь ораҗ
Генүләд бәәнә
Шинәс төлҗәсн
Аакиня Котуш
Шиврлг, хувцндан
Шилтн дурлад бәәнә

Хара улан
Аакин Котуш
Харhа хашан hатцас
Хатхлдад бәәнә
Харhа хашан hатцас
Хатхлдад бәәхнь.
Хәәмнь, Балдр, наар! - гиhәд
Хатхлдад бәәнә. 

Харhаhар кесн гинә
Домбрнь гинә
Харhа базин үүднд
Күнгкнәд бәәнә.
Хара улан
Аакиня Котуш
Харhа базин үүднәс
Дахад hарад бәәнә.

Гедгр гинә иштә
Домбрнь гинә
Герин тал дунднь
Күнгкнәд бәәнә.
Генән баhа
Аакиня Котуш
Гергн болнав гиhд
Гейүрәд бәәдмб.