Gaudeamus igitur,
Juvenes dum sumus!
Post jucundam juventutem,
Post molestam senectutem
Nos habebit humus.

Ubi sunt, qui ante nos
In mundo fuere?
Transeas ad superos,
Transeas ad inferos,
Hos si vis videre!

 Vita nostra brevis est,
Brevi finietur,
Venit mors velociter,
Rapit nos atrociter,
Nemini parcetur.

 Vivat Academia,
Vivant professores!
Vivat [bad word] quodlibet,
Vivant membra quaelibet!
Semper sint in flore!

 Vivant omnes virgines
Graciles, formosae!
Vivant et mulieres,
Tenerae, amabiles,
Bonae, laboriosae!

 Vivat et res publica,
Et qui illam regunt!
Vivat nostra civitas,
Maecenatum caritas,
Qui nos hic protegunt!

 Pereat tristitia,
Pereant dolores!..
Pereat diabolus,
Quivis antiburschius,
Atque irrisores!