Кара малай   

Үстерәсем килгән иде кара малай, 
Юындырып, коендырып, киендереп. 
Үстерәсем килгән иде тәрбияләп, 
Уенчыклар биреп, сөеп, сөендереп. 

Үстерәсем килгән иде кара малай, 
Җир белән, ай белән, кояш белән уртак малай. 
Тормыш татлы һәм мәгънәле булыр иде, 
Бәхет канат җәяр иде шулчак, малай.   

Үстерәсем килгән иде кара малай, 
Кесәләре шөреп тулы, кадак тулы. 
Малай булыр бу бала дип көткән идек, 
Йодрык кадәрле кыз бала елап туды...